23.8 C
Скопје
14:11 - 29 март, 2024

Симптоми на карциномот можат да се појават со години пред дијагнозата

Раните знаци на карциномот можат да се појават со години, дури и со децении пред дијагнозата, покажало опширното истражување на генетските мутации кои предизвикуваат здравите клетки да станат малигни, пренесува британски Гардијан.

Наодите, засновани на примероци на повеќе од 2.500 тумори и 38 видови на рак, откриваат подолг период во рамки на кој пациентите би можеле да се тестираат и да се лечат во најраните фази на болеста. Истражувањето е изведено во рамки на Pan-Cancer-анализите на целокупните геноми, најопсежните студии на генетиката на ракот досега.

„Она што е извонредно е тоа што се чини дека некои генетски промени се случиле многу години пред дијагнозата, многу порано отколку што се појавиле некои други знаци кои предизвикуваат ракот да се развие, а можеби дури и во привидно нормални ткива“, навела Клеменс Џоли, коавторка на истражувањето.

„Отклучувањето на овие обрасци значи дека сега можеме да развиеме нови дијагностички тестови кои би ги покажувале знаците на ракот многу порано“, истакнал Питер Ван Ло, еден од истражувачите.

Откритието дека „семето на ракот“ често е посеано многу години наназад, укажува на можноста дека оние кои се во ризик можат да ги воочат промените порано. Ракот на дојката може да се открие со проверка на крвта пет години пред да се појават првите клинички знаци.

Истражувањето покажало дека околу половина најрани мутации се случиле во само девет гени, што значи дека постои релативно мал збир на заеднички гени кои служат како прекинувачите за клетките да преминат од здрава во малигна форма. Во иднина би можело таквите мутации да се земаат во таканаречени течни биопсии – генетски тестови кои откриваат мутации во слободнолебдечката ДНК, носена во крвта, која може да укажува на присуството на тумори било каде во телото.

Додека клетките кај луѓето поминуваат милијарда мутации, само мал број од нив предизвикуваат рак. Истражувачите следеле колкупати една промена или мутација е повторена или копирана преку хромозомите. Успеале да го реконструираат редослед во кој геномите на клетките на ракот почнале да натрупуваат грешки и на крајот носат големи сегменти кои се кодирани или копирани.
Откриено е дека овие мутации „посебно рано“ се појавиле кај ракот на јајниците, како и кај два вида тумори на мозокот, глиобластом и медуллобластом.

Слични објави

Сите одговори на прашањата поврзани со пертусис или голема кашлица

Разговор со проф. д-р Нико Беќаровски: Што го прави суплементот ГЕ 132+ Натурал оптимален за употреба

Ј.К.Д.

Клиника Жан Митрев 24 години – 1 милион прегледи и 400 000 успешни приказни

еспресо

Совети од Клиника „Жан Митрев“: Фобии – да не ги занемаруваме, има решение

еспресо

Ваучери за педијатриски прегледи од Клиника Жан Митрев за новороденчиња во Општина Центар

Еспресо

(Фото) Традиционална крводарителска акција во Клиника „Жан Митрев“: Вработените и нивните семејства даруваа крв

Еспресо
Се вчитува....