24.8 C
Скопје
16:05 - 29 март, 2024

Вера Јанковиќ: Забот на времето не ми може ама баш ништо!  

Сигурно нема да ѝ се допадне што ја најавивме како урбана жена, зашто таа е девојченце облечено во сите мириси и бои на животот. Таа е Петар Пан во женска верзија.

Која е формулата за топ изглед на твои години?

– Формулата е: мама + тато + 11.1.1964 + чекано и со љубов обликувано дете = девојченце облечено во сите мириси и бои на животот, преполна со енергија која поместува планини. Кога на сè тоа ќе додадеш неизмерна почит и контрола на сопствениот дух и тело, добиваш финален „производ“ на кој забот на времето не може да му откине ама баш ништо! Единствено неговите подзаострени нокти ќе остават по некоја бразда, животна линија која пак, во себе ја носи целата приказна за еден изоден пат, полн со убавини, авантури, музика и патувања.

Какви се денешните скопјанки кои доаѓаат на твоите настапи?

– Не само скопјанки! Тоа се златни, македонски девојчиња, задоени со звуците на  60-те, 70-те, 80-те, 90-те… сè она ново од светското, петолиние што заслужува место за внимание и почит, без никаков компромис! Зборувам за она што го доживувам на сопствените настапи, затоа што и само таму излегувам. Росна капка на дланка…

Што ѝ недостига на македонската естрадна сцена од поглед на модата?

– На македонската естрадна сцена ѝ недостига сопствен печат, идентитет, креативност, умеење да се изнесе формата низ призма на содржината.

Каде е и со кого забавата во нашето Скопје?

– Таму каде што сум јас!

Дали и каде градот го загуби духот?

– Гледаш, лесно е да го пуштиш и загубиш, да не му отвориш врата повторно да влезе… Да, ова се нови (не) времиња, со опасни струи и бури! На мојот, односно нашиот простор, вечно сонцето ќе сјае, тоа е вистинската Македонија! Па, добредојдени сте.

Слични објави

Момченце починало поради предизвик на Тик Ток: Опасен тренд „хромирање“ се шири на социјалните мрежи

еспресо

Отворена прва продавница за алкохол во Саудиска Арабија: Ќе се купува алкохол со овластување

Еспресо

Мир Божји, Христос се роди! Народни обичаи и верувања за Божиќ: Бидете со најблиските и заедно прославете го Христовото раѓање

Еспресо

Старо верување: Скршете орев на Бадник и дознајте дали среќата ќе ве следи

Еспресо

Каква кармичка судбина ќе имате во 2024 според датумот на раѓање: Декодирајте ја иднината преку персоналната бројка и откријте што ве чека!

Еспресо

Денес го славиме Свети Игнатиј, еве што (не) треба да правите

Еспресо
Се вчитува....