5.8 C
Скопје
05:48 - 29 март, 2024

Првпат во историјата Италијански „Вог“ со бела насловна: Белата боја не е предавање, туку празен лист што чека да биде испишан

Италијанското издание на магазинот „Вог“ излегува на 10 април, а неговата насловна е повеќе од симболична. Наместо некоја манекенка или актерка која инаку ги краси насловните страници на овој магазин, уредниците се определиле за бела, речиси целосно празна насловна.

Освен името на магазинот и месецот во кој е објавен, на насловната страница нема апсолутно ништо. – Во својата долга историја што се протега повеќе од 100 години, „Вог“ помина низ војни, кризи, терористички напади. Неговата благородна традиција е никогаш да не гледа на другата страна. Пред помалку од две недели требаше да го печатиме изданието што го планиравме извесно време. Но, сега да се зборува за што било друго, додека луѓето умираат, а лекарите и медицинските сестри ги ризикуваат своите животи и светот се менува засекогаш, не е во ДНК на „Вог Италија“. Одлуката првпат во нашата историја да испечатиме потполно бела насловна не е затоа што недостасуваа фотографии – токму спротивното. Ја избравме, бидејќи белата боја симболизира многу работи истовремено – порачала редакцијата предводена од главниот и одговорен уредник Емануеле Фарнети.

Оттаму, исто така, објасниле и што за нив значи белата боја.

– Белото е, пред сѐ, почитување. Белата боја е повторното раѓање, светлина по темнината, збирот на сите бои. Белото е бојата на униформата што ја носат оние што ги ставаат своите животи на првата линија за да ги спасат нашите. Тоа претставува простор и време за размислување, како и за молчење. Белото е за оние што ова празно време и простор го исполнуваат со идеи, размислувања, приказни, стихови, музика и грижа за другите. Белата боја нѐ потсетува на времињата по кризата во 1929 година, кога оваа беспрекорна боја преовладуваше на облеката како израз на чистота во сегашноста и надежта во иднината. И пред сè, белата боја не е предавање, туку празен лист што чека да биде испишан, насловна страница на нова приказна што штотуку треба да почне – додале од „Вог“.

Слични објави

Момченце починало поради предизвик на Тик Ток: Опасен тренд „хромирање“ се шири на социјалните мрежи

еспресо

Отворена прва продавница за алкохол во Саудиска Арабија: Ќе се купува алкохол со овластување

Еспресо

Мир Божји, Христос се роди! Народни обичаи и верувања за Божиќ: Бидете со најблиските и заедно прославете го Христовото раѓање

Еспресо

Старо верување: Скршете орев на Бадник и дознајте дали среќата ќе ве следи

Еспресо

Каква кармичка судбина ќе имате во 2024 според датумот на раѓање: Декодирајте ја иднината преку персоналната бројка и откријте што ве чека!

Еспресо

Денес го славиме Свети Игнатиј, еве што (не) треба да правите

Еспресо
Се вчитува....