Иако има само 3 месеци Вини на Инстаграм собрал веќе преку 300 илјади следбеници. Многумина неговите очи ги споредуваат со оние на принцезите од Дизни.
Кокер Шпаниелот Вини со брзина на светлината ги освојува срцата на сите што ќе го здогледаат. Кучето кое има само 3 месеци ги маѓепсува сите со неговите очи, за кои многумина тврдат дека се најубавите очи кои некогаш ги виделе кај куче.
Многумина очите на Вини ги споредуваат со оние на принцезите од Дизни, бидејќи се огромни, а трепките му изгледаат како токму во тој момент искочил од третман во салон за убавина.
Сопствениците на своето куче мну отвориле инстаграм-профил уште пред да се роди и првата објава е снимка од ултразвукот на која е означено каде е малото кутре.
Тие постојано споделувале слики од него, уште како бебе, но дури неодамна се покажало дека Вини ќе има поглед кој ги топи и најцврстите срца, па и објавите на Инстаграм зачестиле.
Малиот заводник веќе добил и свој портрет на кој е прикажан облечен во човечка облека, а и покрај тоа што се уште е бебе, покажал исклучителен талент за позирање.
