Од плакарот на Анита: Женските чевли не престануваат да чекорат

Женските чевли носат голема тежина, без разлика дали се изработени од кожа, скај, синтетика, превртена кожа… сите подеднакво носат голема тежина. Не менува ништо ниту видот на потпетицата, ниту тоа дали штиклата е тенка или дебела, или пак два или десет сантиметри. Сите носат голема тежина.

Без разлика дали се традиционални, работнички, истрошени, позајмени, модерни или пак екстрамодерни и скапи, сите ја носат таа тежина. И женските влечки носат голема тежина, и патиките, балетанките, еспадрилите, сандалите, сите заедно еден куп тежина.

Тежината всушност настанува од одговорностите, обврските, задачите, проблемите, грижата, посветеноста, мислењето за сè и сешто, широкиот разум, отвореното срце и љубовта која жената безусловно ја дава. Ја дава, ја дели, ја споделува онака… „за џабе“, се расфрла, удоволува секому и задоволува секого. Иако нежни, убави и елегантни, женските нозе и нежните женски стапала трпат огромна тежина. Но не се откажуваат!

Многумина не можат да го забележат тоа бидејќи успешно го криеме пакувајќи ги своите стапала во најразлични чевли. Оние „побистрите“ се свесни за тоа. Знаете колкав и каков пат поминале женските чевли? Трнлив, свилен, бодликав, жежок, сув, екстремно влажен… Но повторно чекорат.

Жени мои, чувајте ги своите убави нозе, чувајте ги како златник бидејќи не постои машина која може да ги замени. Не постои машина која толку удоволува, а сепак е насмеана. Не постои нешто толку цврсто што може сето тоа „на грб“ да го поднесе како нив.

Дами мои, спакувајте ги вашите нозе во најубавите чевли, во најудобните. Спакувајте ги во чевли меки како памук, нежни како свила, а силни и издржливи како челик. Спакувајте ги во модерни чевли, во фраерски обувки, чевли кои ви се по ќеф, и за очите и за душата.
Изберете чевли што „ќе паднат“ во сечие око, нека ги забележат сите, го заслужиле тоа.
Нека маршираат тие згодни нозе по улиците, нека оставаат траги вашите чевли, да ги видат сите, нека лупаат по асфалтот да ги слушнат сите! Нека маршираат како и досега, цврсто и гордо и никогаш нека не се откажуваат.

Слични објави

НЕ ЖАЛИ ПАРИ ЗА НЕА: Ќерката на Чола носи облека од 2.000 евра, а на Инстаграм често ПРОВОЦИРА! (ФОТО)

Еспресо

Тања Савиќ ја објави најпровокативната фотографија досега (ФОТО)

Васко Спасоски

Симптоми на карциномот можат да се појават со години пред дијагнозата

Еспресо

Обожавател ѝ кажа на Селма Хајек дека има премногу ботокс, а еве што му одговори таа! (ФОТО)

Васко Спасоски

Арета Френклин го објави најголемиот хит во кариерата, Калиопи заврши со снимањето на вториот албум и други настани кои ја одбележаа музиката низ историјата…

Еспресо

Истражување покажа кој тип дијабетес е пофатален во комбинација со коронавирусот

Еспресо

Остави Коментар

13 − 3 =

Слични објави

Поради овие намирници имате висок притисок, воспаленија и срцеви заболувања! (ФОТО)

Васко Спасоски

Сексуалниот престапник Вајнстин пренесен во озлогласениот и опасен затвор „Рајкерс“ во Њујорк

Еспресо

Бизарна исповед на партнерот на Џорџ Мајкл: Кога го најдов мртов, го фотографирав

Еспресо

Гитарата што ја поседувале легендите на „Битлси“ проценета на неверојатни 400.000 фунти

Еспресо

Вистинска магија додека се движите: Здолништата со реси се враќаат во мода!

Еспресо

Роби Вилијамс по четврти пат стана татко: Бебето доби необично име

Еспресо