Мексиканската водителка Џанет Гарсија позната како најсексипилната водителка на временска прогноза во светот, дигна раце од таа професија на некое време.
Всушност, оваа заносна бринета планира да се пресели во Америка за таму да го започне заедничкиот живот со својот дечко Луис Ховс, некогашниот рагбист и бизнисмен.
Но, вработените во мексиканската телевизија не губеа време, па изгледа дека веќе ѝ најдоа еднакво интригантна замена, а станува збор за моделот Алеири Авендано.
Оваа 29-годишна девојка позната е и како „латинската Барбика“, поради својата вретенаста фигура и специфичен изгледза кој се заслужни бројните естетски корекции.
Оваа Венецуелка имала дури 38 пластични операции во животот, а за тоа збори без никаков проблем.
„Ги зголемив градите 7 пати, имав операција на носот 5 пати, 18 пати бев на липосукција, ја правев устата, забите, се.“, рекла Алеира.
„Вложив 200,000 долари во моите операции, а и време, труд и посветеност. Никогаш не сум се плашела да одам под нож, бидејќи секогаш сум идела кај специјалисти и истражував за зафатите кои ги правев“, додала таа.
Покрај операцијата Алеира своето тело го обликувала и носејќи корсет – тврди дека го носела 23 часа дневно за времетраење од 9 години и дека наводно го соблакала само кога се бањала.
Мексиканската публика прилично е возбудена поради изборот на новата водителка, иако многумина тврдат дека убавата Џанет никој не може да ја засени.
