22.8 C
Скопје
16:01 - 28 март, 2024

Коронавирусот убива само во мал број случаи! Главен симптом е сувата кашлица, а еве што друго му прави вирусот на организмот

Бројот на заболени од коронавирус расте ширум светот. Научниците со недели се обидуваат да откријат која е точно причината за новиот вирус наречен Ковид-19, како и да го спречат ширењето на заразата, а клучно е да се утврди на кој начин овој вирус ги напаѓа белите дробови, како и дали навистина воспалението може да донесе до откажување на виталнте органи како што е црниот дроб.

Болеста почнува во белите дробови

Кај пациентите кои се во тешка состојба се развива воспаление на белите дробови – ситните алвеоли се полнат со вода и со гној, па заболените не се во можност ефикасно да разменуваат кислород и јаглерод диоксид.

Докторот Раимонд То, специјалист за респираторна медицина од Хонг Конг, објаснува дека Ковид-19 се врзува за рецепторите во ткивото на белите дробови и влегува во клетките, а потоа произведува повеќе копии од вирусот.

Потоа се активира имуниот систем, ги препознава заразените клетки и ја поставува првата линија на одбраната. Со тоа всушност настанува пресилен одговор на организмот, а имуниот систем почнува да предизвикува смрт на клетките, вклучувајќи ги и здравите.

Како што огромен број клетки умираат, белодробното ткиво станува сè пооштетено. Поради тоа станува сè потешко испорачувањето на кислородот, неопходен за работа на другите витални органи во телото. Исто така може да доведе до појава на секундарна бактериска инфекција и да покрене прекумерен имун одговор и да предизвика оштетување на повеќе органи.

За да дознаеме кој е првиот сигнал за узбуна, односно знак дека нашиот организам е заразен со коронавирус, докторите велат дека главен симптом претставува сувата кашлица.

„Коронавирусот поминува често без кивање. Поретко тече носот, а застапена е сува кашлица. Ако се јави слаб здив, значи дека вирусот преминува во воспаление на белите дробови. Тогаш респираторната инфекција ги напаѓа горните дишни патишта“, објаснуваат докторите.

Како коронавирусот се шири по телото и дали може да доведе до откажување на органите?

Се претпоставува дека потоа вирусот продолжува низ организмот преку желудникот, предизвикувајќи дијареа и стомачни болки, а потоа, кај некои заболени, преку крвта се шири во останатите органи.

Колатерална штета од нападот на коронавирусот е црниот дроб. Научниците сè уште не се целосно сигурни како точно овој респиратпорен вирус го напаѓа виталниот орган. Меѓутоа, со оглед на тоа што црниот дроб е васкуларен орган, се смета дека вирусот многу лесно може да дојде до него преку крвотокот, па постои веројатност црниот дроб да го зарази диртектно или да дојде до сериозно воспаление поради одговорот на имуниот систем на заразата.

Последиците можат да бидат катастрофални пореметувања во целиот организам и еден по еден органите откажуваат.

Сепак, епидемиолозите тврдат дека вакви компликации се јавуваат во многу мал број случаи.

Сите овие симптоми можат да се појават за два дена, но и 14 дена по изложеноста на вирусот.

 

Слични објави

Сите одговори на прашањата поврзани со пертусис или голема кашлица

Разговор со проф. д-р Нико Беќаровски: Што го прави суплементот ГЕ 132+ Натурал оптимален за употреба

Ј.К.Д.

Клиника Жан Митрев 24 години – 1 милион прегледи и 400 000 успешни приказни

еспресо

Совети од Клиника „Жан Митрев“: Фобии – да не ги занемаруваме, има решение

еспресо

Ваучери за педијатриски прегледи од Клиника Жан Митрев за новороденчиња во Општина Центар

Еспресо

(Фото) Традиционална крводарителска акција во Клиника „Жан Митрев“: Вработените и нивните семејства даруваа крв

Еспресо
Се вчитува....