15.8 C
Скопје
09:45 - 29 март, 2024

Бејкинг-техниката за шминкање која ќе ве воодушеви!

Најверојатно веќе знаете како да направите контури на лицето или како да постигнете совршен „зачаден“ поглед, но постои една техника на шминкање која се уште треба да ја научите и вклопите во вашиот процес на шминкање, а тоа е бејкинг.

Бејкинг или таканаречено, „печење“ на лицето со пудра во прав, е чекор во шминкањето кој ќе го промени вашиот целокупен изглед. На интернет постојат бројни видеа кои детално ќе ви објаснат како се изведува техниката, а во продолжение можете да прочитате што всушност претставува и кои се чекорите за да се постигне.

Instagram

Што е бејкинг?

Бејкинг е израз кој веќе со години се користи во бјути-заедницата, а се однесува на тоа да ја оставите пудрата во прав да седи на вашето лице 5 до 10 минути, допуштајќи и на топлината од вашето лице да ги сетира пудрата и коректорот. Откако пудрата ќе остане некое време на вашето лице, едноставно тргнете го вишокот производ со четката. Толку е едноставно, а сепак ви дава беспрекорен завршен изглед во шминкањето.

Како се изведува бејкинг?

Првиот чекор е нанесување на хидратантна крема, пред било што да ставите на лицето, особено околу очите. Битно е да се има мазна и хидратирана површина околу очите, така што ќе се намалат брчките и ситните линии.

Втор чекор е нанесување на течна пудра, па врз неа дебел слој на коректор како би ги сокриле сите несакани неправилности. Ако не сте задоволни со прекривањето нанесете и уште еден слој од коректорот. За се да изгледа поприродно, користете бјути блендер или некој друг вид на влажно сунѓерче.

Третиот чекор е нанесување на проѕирна, „транслусент“ пудра, со помош на четкичка во вид на лепеза, низ целото лице.

Четвртиот чекор е самиот бејкинг. Влажното сунѓерче или четката испрскана со фиксатор потопете ја во „транслусент“ пудрата во прав и слободно нанесете колку сакате врз штотуку нанесениот коректор, оставете да делува од 5 до 10 минути.

После бејкингот време е вишокот пудра во прав да се отстрани. Со четкичката во форма на лепеза, нежно поминете преку лицето и отстранете го вишокот. Ако сакате додатна прикриеност, четкичката претходно може да ја потопите во камена пудра.

Слични објави

Сите одговори на прашањата поврзани со пертусис или голема кашлица

Разговор со проф. д-р Нико Беќаровски: Што го прави суплементот ГЕ 132+ Натурал оптимален за употреба

Ј.К.Д.

Клиника Жан Митрев 24 години – 1 милион прегледи и 400 000 успешни приказни

еспресо

Совети од Клиника „Жан Митрев“: Фобии – да не ги занемаруваме, има решение

еспресо

Ваучери за педијатриски прегледи од Клиника Жан Митрев за новороденчиња во Општина Центар

Еспресо

(Фото) Традиционална крводарителска акција во Клиника „Жан Митрев“: Вработените и нивните семејства даруваа крв

Еспресо
Се вчитува....