Холивудските ѕвезди на различни начини се обидуваат да помогнат на лекарите за лечење на коронавирусот и општо запирање понатамошно ширење на болеста.
Ријана за борбата против коронавирусот донираше 5 милиони долари, актерката Гал Гадот ги потикна славните заедно да запеат на Инстаграм, а Рита Ора одлучи да лансира колекција на маици од чија заработка, сите пари ќе се донираат во здружението COVID19 Solidarity Response.
„Доколку не сте слушнале, ја лансирав колекцијата #StopTheSpread и кампања во соработка со UN и Светската здравствена организација! Сите пари собрани од оваа заработка ќе бидат донирани во COVID19 Solidarity Response. Доколку сакате да направите нешто во врска со вирусот, останете сигурни и чисти, па одиграјте ја вашата улога со купување на оваа колекција. Можеме ние заедно“, напиша Рита под фотографијата.
Иако многу нејзини пријатели со воодушевување ја дочекаа оваа вест, имаше и онакви кои сметаа дека Рита едноставно можела да донира свои пари и дека сега не е време за искористување на бесплатна работна сила во фабриките за да се произведат овие маици.
r*ta o*a selling “corona merch” i cant. these celebs are making me want to be around ppl. pic.twitter.com/zgIz0EBGQJ
— Amanda Rosenberg (@AmandaRosenberg) March 19, 2020
Со овој твит се согласи многумина и истакнаа дека ова е навистина непромислен и непотребен потег на пејачката.
