7.8 C
Скопје
01:44 - 29 март, 2024

Мали лекции за подобри родители

Секој родител го посакува само најдоброто за своите деца. Сепак, во трката наречена „живот“, забораваме да им се посветиме доволно и да им го понудиме потребното внимание. А верувајте, тие повеќе од кој било го заслужуваат тоа! Ние сме тука да ве потсетиме на неколку едноставни лекции кои сите идни и сегашни родители треба секогаш да ги имаат предвид.

Прегрнувајте

Прегратката е најдобриот лек да го утешите вашето дете кога плаче, кога е исплашено или едноставно да му кажете дека секогаш ќе бидете тука за него. Но прегрнувајте го и без причина, бидете секогаш кога е тоа можно покрај него.

Научете да слушате

Кога зборуваат и раскажуваат нешто, внимателно слушајте. Детето ќе почувствува дека има свој соговорник, а со тоа ќе ја поттикнете неговата фантазија да раскажува за уште пошарени и волшебни светови.

Одговорете на секое прашање

Децата знаат да бидат „досадни“ и да поставуваат прашања за кои и ние возрасните немаме одговори: зошто паѓа дождот, зошто е небото плаво, колку е тешка земјата… Сепак, бидете креативни и смислете одговор за секое прашање. „Не знам“, никако не се прифаќа за одговор.

Дозволете им да истражуваат

Децата сакаат да го истражуваат светот, а со тоа осознаваат за работите коишто ги опкружуваат. Дозволете им да шлапнат во кал, да се извалкаат со песок, да се намократ. Облеката секогаш може да се испере, но изгубената детска радост не можете да ја надоместите.

Научете ги да бидат културни

Децата учат од своите родители и затоа бидете добар пример. Ако вие им се обраќате со зборовите „те молам“, и „благодарам“, тогаш и тие ќе ги користат во својот речник.

Забавувајте се заедно

Нема ништо поубаво од тоа кога сите дома сте заедно. Друштвените игри се одлична идеја за забава и докажување кој е подобар во играта. Доколку пак имате вишок енергија, одлична би била борбата со перници.

Смејте се

Смислата за хумор се развива уште од мали нозе, а смеењето има позитивни ефекти како на децата, така и на родителите. Затоа, не морате да имате посебна причина за смеа. Ставете стар шешир на главата, обојте го лицето и насмејте го своето дете.

Несебично бакнувајте

Децата се многу посигурни кога се сакани. Имаат поголема самодоверба, среќни се и ја чувствуваат покажаната љубов. Оние деца што се сакани, понатаму како возрасни личности можат многу полесно да ги искажат и контролираат своите чувства и емоции.

Слични објави

Јована Јеремиќ „удри“ по колешката Јована Јоксимовиќ: „Ги малтретира вработените, нека ја покаже дипломата!“

еспресо

Астропрогноза за среда, 20 март: За Девиците – тест, за Стрелците пријатно изненадување

еспресо

Петар Грашо со втор концерт во Скопје

Еспресо

Астро прогноза за петок, 16 февруари: Возбуда за Биковите, интересен ден за Водолиите

Еспресо

(Видео) Бака Прасе ја изненади девојката со подарок вреден колку еден стан во Белград: Ќе вози автомобил од 100.000 евра

Еспресо

(Фото) Хаос во емисијата „Амиџи шоу“: Венди го удирала Десингерица, се туркале и врескале еден на друг

Еспресо
Се вчитува....