23.8 C
Скопје
14:54 - 29 март, 2024

НАШ ПРЕДЛОГ ЗА ФИЛМ: Том Хенкс и „A beautiful day in the neighborhood“ носат емотивна приказна од која има што да се научи! (ВИДЕО)

Том Хенкс беше првиот холивудски актер кој се тестираше позитивен на актуелниот коронавирус, а во нашиот денешен предлог за филм главен јунак во приказната која треба да ја погледнете е токму оваа филмска ѕвезда.

Се работи за филмот „A beautiful day in the neighborhood“, базиран на вистинска биографска приказна за едно големо, но на еден начин и несекојдневно пријателство, од кое може да се извадат неколку важни поуки.

Во време кога сите сме во еден период на таканаречена самоизолација, се чини дека ова е вистински момент да го погледнете ова остварување, бидејќи се работи за еден семеен филм во вистинска смисла на зборот, кој е најдобро да се погледне во кругот на најблиските.

Фото: Принтскрин

На угледната страница на „IMBD“, филмот кој е во режија на Мариел Херел има одлична оценка од 7.3 ѕвездички, додека на престижната страница „Rotten Tomatoes“, ова остварување е опишано како „моќно филмско дело со силна порака за меѓусебното прифаќање и разбирање“.

Краток опис за филмот:

Двојниот Оскаровец Том Хенкс ја толкува улогата на Фред Роџерс, кој води телевизиска емисија за деца и претставува вистински шоумен за најмалите. Од друга страна, Лојд Вогел е истражувачки новинар, кој добива задача да му направи интервју на господинот Роџерс.

Лојд, кој инаку е опишан како доста интелигентен, но и премногу затворен човек, во интервјуто влегува премногу скептично, бидејќи навистина му е тешко да поверува дека постои човек со толкава харизма.

Фото: IMDB

Меѓутоа, љубезноста на Роџерс и неговата истрајност и упорност, буквално ќе го турнат Лојд на колена, со тоа што тој, полека но сигурно, ќе започне да се отвора пред него, па помеѓу нив двајца ќе се роди едно несекојдневно пријателство.

Роџерс го обожаваат децата, но и повозрасните, тој е една трпелива личност, која ќе навлезе во животот на Лојд и ќе му помогне да си го среди односот со неговиот татко, со кого е во кавга уште по смртта на неговата мајка.

Фото: IMDB

Овој филм всушност е олицетворение на раѓањето на едно вистинско пријателство помеѓу американскиот телевизиски херој Фред Роџерс и истражувачкиот новинар Лојд Вогел.

Во „A beautiful day in the neighborhood“ интересно е да се види како со добрина и бескрајно културно однесување и љубезност може да се внесе неверојатна доза на позитива во нечиј живот, толку многу, што дури Лојд драстично си го менува животот на подобро и станува една отворена личност, која повеќе не знае за омраза.

Во продолжение погледнете го трејлерот:

 

Слични објави

(Видео) Филмови кои не се за пропуштање во 2023

Ј.К.Д

Мајкл Џ. Фокс искрено за болеста што ја криел со години: Мислев дека публиката ќе ми се смее

еспресо

Се појави првата божиќна реклама и веднаш ги налути гледачите: Ова е тотално лудило

еспресо

Бела Хадид веќе не е на врвот: Науката ја избра новата најубава жена на светот

еспресо

Клои Кардашијан имала тумор на лицето: „Морав да направам итна операција за да го отстранам“

еспресо

Арнолд Шварценегер стана најскапиот личен тренер во САД: Наплаќа 150.000 долари за тренинг!

еспресо
Се вчитува....