25.8 C
Скопје
16:22 - 29 март, 2024

Направете си го денот поубав со овој РОЛАТ со суво овошје

Потребни состојки:

250 гр маргарин
250 гр шеќер
4 јајца
1 голема чаша мешано суво и јаткасто овошје
300 гр брашно
50 гр густин
1 прашок за пециво
1 мала чашка рум
сол (на врвот од ножот)
изрендана кора од лимон и портокал

Мерката за сувото овошје е голема чаша за чај 2.5 до 3 дл, но нема да погрешите и во случај да ставите повеќе. Користете го овошјето што најмногу го сакате. Комбинацијата е произволна и прилагодлива на вкусовите. Наместо маргарин можете да користете путер или мешавина од тие два продукти.

Подготовка:
Сувото овошје ситно исецкајте го и прелијте го со рум. Оставете го да се впие. Ако немате време, оставете го овошјето да отстои додека ги подготвувате останатите состојки. Вклучете ја рерната да се загрева на 180 степени. Изматете го омекнатиот маргарин со шеќер, и тогаш додавајте едно по едно јајце. Во натопеното овошје додадете 50 гр брашно. Во останатото брашно (250 гр), додадете густин, прашок за пециво и сол и промешајте. Оваа мешавина додадете ја во изматените јајца со шеќерот и маргаринот.

Во соединетата смеса додадете ја мешавината од суво овошје, измешајте уште еднаш и сипете го во намастениот и попрскан со брашно калап за ролат. Калапот со тестото ставете го во загреана рерна, намалете ја температурата на 170 степени и печете од 70 до 75 минути (малку повеќе од еден час), на иста температура.

Секој шпорет, односно рерна поинаку работи, што значи температурата на рерната регулирајте ја според своето искуство за овој колач добро да се испече. Ролатот треба да се пече долго, бидејќи колачот треба да биде сув и цврст во средина, но да не прегори надворешно. Поради тоа е подобар кога малку ќе отстои. Кората треба да биде златно-жолта. За уште подобар вкус можете да го прелиете со чоколадо изрендано со кора од портокал.

Слични објави

Ново издание на туристички водич за Македонија каде раскажувањето е со љубов

еспресо

(Фото) Ви ги претставуваме Herbalife Pецептите: Вкусно патување кон лесна и здрава исхрана со Herbalife

Еспресо

Украси за елка што се јадат: Миризливи ѕвездички (традиционален германски рецепт)

Еспресо

Брз славски колач за Света Петка: Рецепт што ќе го запомните

Еспресо

(Фото) Билјана Јуруковски, фотографка меѓу африканските племиња: Психичките подготовки за моите патувања се потешки и од физичките

Јасмина Кантарџиева Димков

Превкусен ајвар по урнек на баба: Бранко Попоски ни го носи рецептот

Еспресо
Се вчитува....