24.8 C
Скопје
15:00 - 29 март, 2024

Кога е време да дадете отказ и да си заминете?

Дали навистина е време да заминете?

Толку пати сте посакале да го погледнете шефот во очи и гласно да кажете „Давам отказ“! Ако
се двоумите поради разни причини, еве неколку совети со чија помош ќе откриете дали
навистина е време да заминете.

1. Сте добиле подобра понуда

Подобра плата, повисока позиција, инспиративно опкружување и стално вработување? Звучи
како утопија во нашата средина, но не е невозможно. Малкумина се оние кои сето тоа го
добиле наеднаш, а уште помалку се оние кои тоа го побарале. Доколку ви се пружи подобра
шанса не размислувајте. Ќе ви биде потребен само период за навикнување, но на ваша среќа
тоа не трае долго, а промената на монотонијата сигурно позитивно ќе влијае на вас.

2. Сакате да го подобрите образованието

Ако на млади години сте се зафатиле со работа поради која сте го запуштиле образованието,
време е да му се посветите. Ако интересите со тек на време ви се промениле, пробајте да
запливате и во некоја поинаква професија. Следете ги соништата.

3. Работите во токсично опкружување

Колку и да е сериозна работата со која се занимавате, морате да си дозволите во текот на
работното време барем на кратко да се насмеете со колегите. Изостанокот на смеа и
комуникација во опкружувањето во кое поминувате 8 часа дневно е многу загрижувачко, што е
причина да се запрашате дали е време да ја напуштите таа тмурна дружина.
4. Вашата позиција е нестабилна
Или вашата компанија е на работ на егзистенција? Дури и ако сте таму од првиот ден, а таа
пропаѓа, не мора да пропаднете и вие со неа. Борете се за своето место во светот и не
дозволувајте надредените поради тоа да ви создаваат чувство на вина.

5. Сакате да се посветите на себе си

Без оглед дали вашата причина за отказ е желбата да основате семејство, патување околу
светот или потребата за пауза, ве уверуваме дека никој не смее да ви замери за тоа. Уживајте,
бавете се со она што ве исполнува и наполнете ги батериите. Чувството на задоволство ја
поттикнува фантазијата, па кој знае, можеби наскоро ќе започнете сопствен бизнис, па нема да
мора да зависите од другите.

6. Сте ја загубиле мотивацијата

Едвај го чекате крајот на работното време, се ви е предвидливо и досадно, а понеделник едвај
го преживувате? Повеќе не давате 100 проценти од вас? Дефинитивно сте заразени со вирусот
наречен „време е за промена!“

Слични објави

Момченце починало поради предизвик на Тик Ток: Опасен тренд „хромирање“ се шири на социјалните мрежи

еспресо

Отворена прва продавница за алкохол во Саудиска Арабија: Ќе се купува алкохол со овластување

Еспресо

Мир Божји, Христос се роди! Народни обичаи и верувања за Божиќ: Бидете со најблиските и заедно прославете го Христовото раѓање

Еспресо

Старо верување: Скршете орев на Бадник и дознајте дали среќата ќе ве следи

Еспресо

Каква кармичка судбина ќе имате во 2024 според датумот на раѓање: Декодирајте ја иднината преку персоналната бројка и откријте што ве чека!

Еспресо

Денес го славиме Свети Игнатиј, еве што (не) треба да правите

Еспресо
Се вчитува....