14.8 C
Скопје
19:49 - 28 март, 2024

Евтин и едноставен трик со кој вашите алуминиумски садови повторно ќе светат

Доколку сакате старите алуминиумски садови повторно да „светат“ и да изгледаат како сега да сте ги купиле, исчистете ги со помош на лушпи од јаболко. Земете две јаболка со средна големина и излупете ги. Потоа ставете ги лушпите во алуминиумскиот сад што сакате да го исчистите и во него сипете вода за да се покријат лушпите.

Варете ја водата со лушпите неколку минути, додека не забележите дека нечистотијата од дното на садот почнува да се вади. Тргнете го садот од рингла и оставете водата да се олади. Потоа измијте го садот, избришете го и ќе можете да се огледате во него.

Од друга страна, пак, доколку сакате да дознаете како да им го вратите сјајот на старите бакарни садови, верувајте дека тоа може да биде многу едноставно!

Имено, земете шише со прскалка што ќе го наполните со половина литар раствор од загреан бел оцет и 3 супени лажици сол. Откако растворот ќе биде готов, испрскајте ги бакарните предмети. Потоа, само оставете го растворот кратко да делува и потоа избришете.

Добро е да знаете дека бакарните садови можете лесно да ги исчистите и доколку на памучна крпа ставите кечап. Потоа со кечапот премачкајте ги и оставете ги така една минута сите бакарни садови што ги имате, а потоа исполирајте ги и исплакнете ги со вода. Киселината што ја содржи кечапот ќе ги отстрани дамките и ќе го врати бронзениот сјај на садовите.

Слични објави

Момченце починало поради предизвик на Тик Ток: Опасен тренд „хромирање“ се шири на социјалните мрежи

еспресо

Отворена прва продавница за алкохол во Саудиска Арабија: Ќе се купува алкохол со овластување

Еспресо

Мир Божји, Христос се роди! Народни обичаи и верувања за Божиќ: Бидете со најблиските и заедно прославете го Христовото раѓање

Еспресо

Старо верување: Скршете орев на Бадник и дознајте дали среќата ќе ве следи

Еспресо

Каква кармичка судбина ќе имате во 2024 според датумот на раѓање: Декодирајте ја иднината преку персоналната бројка и откријте што ве чека!

Еспресо

Денес го славиме Свети Игнатиј, еве што (не) треба да правите

Еспресо
Се вчитува....