Кога 19-годишната Брижит Бардо во 1953 година се појавила на плажата во Кан за време на филмскиот фестивал, целиот свет застанал и ја гледал. Французинката била во минијатурно бикини со цветен дезен каков што дотогаш не се носел многу често. Со совршено тело, Брижит во истиот момент станала секс симбол.
Родена на 28 септември 1934 година во Париз, кариерата како манекенка ја започнала уште како тинејџерка. На 15 години позирала за насловната страница на списанието „Elle“.
Се вљубила во шест години постариот режисер Роже Вадим, но кога нејзините родители дознале за нивната врска ѝ се заканиле дека ќе ја пратат во Англија и ѝ забраниле да се гледа со него.
На 16 години првпат се обидела да се убие. Родителите ја пронашле во последниот момент и попуштиле. И забраниле единствено да се омажи со него пред да наполни 18 години. Се венчале во 1952 година, а во следните 4 години снимила 17 филмови. По филмот „И Бог ја создаде жената“ таа станала најбараната глумица во Европа. Брижит не можела да го носи товарот на славата и западнала во депресија.
„Постои француска изрека: Ако сакаш да бидеш среќен живеј скриено. Каде може да се скрие Брижит Бардо?“, е една од нејзините познати изреки.
Во 1957 се развела од Бадим, а наводно причина за тоа било нејзиното неверство.
„Подобро е да изневеруваш отколку да бидеш верен, а да не го сакаш тоа, рекла глумицата чиј прекар бил „секси маченце“.
Се мажела уште три пати, а во автобиографијата признала дека никогаш не сакала да биде мајка и ја нарекла бременоста „божја казна“. Сакала да абортира. Постојано се удирала по стомакот за да добие спонтан абортус.
Својот син го нарекла „канцероген тумор“ и напишала дека повеќе би сакала да роди куче.
Бившиот сопруг и синот ја тужеле поради тоа.
На денот кога го родила синот Николас повторно се обидела да се самоубие. Испила цело шишенце антидепресиви и си ги пресекла вените. Повторно ја спасиле, но тоа не бил последен пат како се обидела да се убие.
Се држела до своето правило секогаш да има барем двајца љубовници на располагање за да не биде осамена. Наводно имала стотина љубовници.
„Јас сум девојка од добро семејство која е многу добро воспитана. Еден ден му го свртев грбот на сето тоа и станав боем“, рекла глумицата која повеќепати повторувала дека не ѝ е грижа што мислат другите за неа, особено што се однесува на нејзиниот љубовен живот.
