Град на духовите: Некогаш богато место кое го „проголтала“ немилосрдната природа (ВИДЕО)

Во некогаш перспективниот рударски град Акармара, во денешна (непризната) Апхазија, кон крајот на седумдесеттите години живееле најмалку 5.000 жители. Денеска таму останале само 35 луѓе, како и крави и свињи кои лутаат по улиците на градот на духовите.

Се работи за мал град, со многу елаборирана и импозантна советска архитектура. Денеска овде доаѓаат туристи кои ги привлекуваат ваквите бизарни локации. Во целиот тој регион, кој исто така е испразнет, живееле околу 40.000 луѓе.

Акармара бил релативно нов град, изграден во седумдесеттите години, кој сега потсетува на илјадници години стара рушевина која ја совладала природата, пишува порталот „Паст Ремнантс“.

Две работи ги протерале жителите од градот – неисплатливоста на индустријата со јаглен, падот на СССР, односно опсадата на градот Ткварчели од страна на грузиските сили кон почетокот на деведесеттите години.

Фото: Принтскрин

Опсадата исто така значела дека Акармара е „отцепен“ од остатокот на светот бидејќи постои само еден пат кој води директоно во Ткварчели. Дури 413 денови жителите во градот биле препуштени сами на себе, а храна им носеле Руси и сепаратисти со хеликоптери.

Акармара, за разлика од Ткварчели е граден во ридови, а високите станбени згради биле градени на планинските врвови кои се срамнети со земја.

Денеска во тие големи згради каде требало да живеат стотици семејства, веројатно живее само едно семејство. 

Фото: Принтскрин

Неколкуте луѓе кои останале да живеат овде, деновите ги минуваат така што ги шетаат туристите низ напуштениот град.

Имало многу идеи градот да се претвори во ресорт, кој би бил како „временска капсула“, како да сте влегле во советските седумдесетти.

Акармара, сега, пишува „Ин Русија“, изгледа како некоја кулиса за американски постапокалиптичен филм.

Снимки со дрон покажуваат дека зеленилото толку го преземал градот што дури не може ниту да се види, иако неговата драматична убавина привлекува се повеќе и повеќе посетители кои со себе мораат да си носат вода и сендвичи, бидејќи не постои места од каде би можеле да си купат.

Слични објави

МАТЕМАТИЧКА ГРЕШКА НА БЕЛОРУСИЈА ја чинеше Македонија победа во делот на жирито

Igor

Ентони Хопкинс знае да се забавува дома, а има и одлично друштво! (ВИДЕО)

Еспресо

Како да ја победите опсесивната љубомора?

Igor

Ова е 21-годишната манекенка која носеше хиџаб наместо бикини

Igor

Ријана изгледа фантастично и со неколку килограми вишок (ФОТО)

Еспресо

Поради пораката што ја добил доктор Кон експлодираа социјалните мрежи: Клечејќи ве молам…

Еспресо

Остави Коментар