21.8 C
Скопје
16:25 - 28 март, 2024

Грчка пита – Медитеранско задоволство кое топло ви препорачуваме да го пробате!

Вкусот на путерот, спанаќот и сирењето ја праваат оваа медитеранска солена пита незаборавна. Ваквото јадење може да го консумирате како предјадење или за вечера со чаша јогурт.

Потребни состојки:

• 8 кори за пита
• 250 гр. спанаќ
• 2 јајца
• 2 лажици масло
• 60 гр. стопен путер
• 100 гр. рикота (или друго сирење по избор)
• мускатно оревче
• едно чешне лук
• сол
• бибер

Подготовка:

Исчистете го спанаќот и добро измијте го. Ставете го во зовриена вода да омекне пет минути, а потоа исцедете го и ситно исецкајте го. Изматете ги јајцата, издробете го сирењето и помешајте го со спанаќот. Посолете, наросете бибер, додадете рендано мускатно оревче и истолчен лук, а потоа добро промешајте.

Загрејте ја рерната на 180 Целзиусови степени. Тавата за печење премачкајте ја со масло и обложете ја со хартија за печење, а потоа ставете една кора. Лесно попрскајте ја со растопениот путер и врз неа ставете друга кора. Премачкајте ја втората кора со путер и ставете малку фил. Прекријте со нова кора, а потоа премачкајте со путер и се така додека не го потрошите целиот фил и кори.

Последната кора премачкајте ја со изматена жолчка и печете околу 25 минути, додека питата не добие златножолта боја.

Пријатен апетит!

Слични објави

Ново издание на туристички водич за Македонија каде раскажувањето е со љубов

еспресо

(Фото) Ви ги претставуваме Herbalife Pецептите: Вкусно патување кон лесна и здрава исхрана со Herbalife

Еспресо

Украси за елка што се јадат: Миризливи ѕвездички (традиционален германски рецепт)

Еспресо

Брз славски колач за Света Петка: Рецепт што ќе го запомните

Еспресо

(Фото) Билјана Јуруковски, фотографка меѓу африканските племиња: Психичките подготовки за моите патувања се потешки и од физичките

Јасмина Кантарџиева Димков

Превкусен ајвар по урнек на баба: Бранко Попоски ни го носи рецептот

Еспресо
Се вчитува....