20.8 C
Скопје
17:43 - 28 март, 2024

Почина млад битолчанец кој синоќа побегнал од болница

epa08764775 Two ambulances carrying patients infected with COVID-19 arrive at the University Clinic for Infectious Diseases in Skopje, Republic of North Macedonia, 22 October 2020.The autumn wave of COVID-19 filled up hospitals in North Macedonia. The last available beds in the country are in an assembly hospital next to the clinic for infectology which is rapidly filling up. The minister of health Venko Filipce said that if these last capacities are filled, there are no other measures left but setting police curfew and total lock down. EPA-EFE/GEORGI LICOVSKI

Триесет и петгодишниот битолчанец почина од коронавирусот, откако претходно избегал од Ковид центарот во Битола каде што бил хоспитализиран. По бегството, полицијата веднаш почнала да го бара, а го пронашла откако семејството на заболениот побарало помош, па го вратиле назад во болница каде што по кратко време починал откако докторите не успеале да му го спасат животот.

Немилиот настан се случил вчера. Од Министерството за здравство ги објавија и деталите за случајот за кој што велат дека пациентот на 13.11.2020 се јавил во тријажната амбуланта и пријавил симптоми на покачена телесна температура, кашлица, без РТГ наод за промени.

На пациентот потоа му била дадена терапија, но и препорака за самоизолација и закажување кај неговиот матичен доктор.

По три дена, повторно се јавил на преглед и му била дадена ампуларна терапија, но поради влошување на состојбата тој бил хоспитализиран во суспектни пациенти. На 17.11. 2020 година бил земен брис и добиен позитивен резултат на коронавирусот.

Пациентот вчера, на 18.11.2020 година избегал од одделот на болницата каде што бил хоспитализиран.

„За бегството било известено болничкото обезбедување, МВР и директорот на КБ Битола како и епидемиологот. Во 18 часот пациентот бил донесен со возило на ИМП и медицинска екипа во вонредно тешка општа состојба, неконтактибилен, тахидиспноичен, хипотензичен со немерливи витални параметри, немерлива сатурација, со пена на устата и изразена цијаноза. Според кажувањата на медицинската екипа од ИМП пациентот со приватно возило си отишол дома наводно да се наспие и одмори и се напил средства за спиење и смирување во непозната количина, веднаш заспал и не се будел по што семејството повикало ИМП кои веднаш дошле во домот и ординирале терапија која немала ефект по што е донесен на инфективното одделение. Од страна на дежурната екипа на Ковид одделот биле преземени реанимациски мерки, но без поволен терапевтски одговор. Во 18:45 часот настапила смртта со клиничка слика на тешка кардиореспираторна инсуфициенција и престанок на работа на срцето. Во системот не постојат внесени коморбидитети“, велат од Министерството за здравство.

Преземено од Слободен печат

Слични објави

Франција ја забрани продажбата на Ајфон 12, поради преголемо зрачење

Еспресо

Небото ќе го осветли Нишимура, феномен кој се случува еднаш на 435 години: Вечерва поминува кај нас

Еспресо

(Видео) По слетувањето на Месечината, Индија лансираше ракета за проучување на Сонцето

Еспресо

(Видео) Само 24 пилоти имаат дозвола да слетаат на аеродромот во Бутан

Еспресо

„Зум“ ги враќа своите вработени назад во канцеларија

Еспресо

Среќник од Германија доби 10 милиони евра на „Евроџекпот“

Еспресо
Се вчитува....